Paul and Silas in Prison (Acts 16:16-40)
Vocabulary
177
Greek
English 
Čeština 
Deutsch 
Français 
Español 
Português 
한국어 
Polski 
Slovenčina Vocabulary
| Word | Meaning | |
|---|---|---|
| ὁ, ἡ, τό | le, la, les | |
| καί | et, aussi | |
| αὐτός, ή, ὁ | lui; soi-même | |
| δέ | cependant, mais | |
| ἡμεῖς, ἡμῶν | nous | |
| Παῦλος, ου, ὁ | Paul | |
| εἰς | vers; dans (avec A) | |
| οὗτος, αὕτη, τοῦτο | celui-ci, celle-ci, ceci | |
| ἐξέρχομαι | uscire, venire fuori | |
| γίνομαι | arriver, devenir | |
| κύριος, ου, ὁ | Seigneur | |
| στρατηγός, οῦ, ὁ | magistrat en chef | |
| φυλακή, ῆς, ἡ | garde; prison | |
| ἄνθρωπος, ου, ὁ | homme | |
| εἰμί | je suis ; être | |
| ἐν | dans, en (avec D) | |
| ἀπό | de, loin de (avec G) | |
| πᾶς, πᾶσα, πᾶν | tout, tous | |
| πολύς, πολλή, πολύ | beaucoup, nombreux | |
| λέγω | dire | |
| θεός, οῦ, ὁ | Dieu | |
| ποιέω | faire, agir | |
| ἐπί | sur (avec G, D, A); à cause de (avec D); contre (avec A) | |
| εἶπον | J'ai dit (aor. de λέγω) | |
| σύ | toi, ton | |
| εἶδον | j'ai vu (aor. de ὁράω) | |
| ὅτι | que, parce que | |
| Σίλας, α̑ | Silas | |
| Ῥωμαῖος, ου, ὁ | romain | |
| βάλλω | jeter; poser | |
| δεσμοφύλαξ, ακος, ὁ | geôlier | |
| πρός | vers; près de, à côté de (avec A) | |
| πορεύομαι | aller, avancer | |
| πνεῦμα, τος, τό | esprit; souffle | |
| ὅστις, ἥτις, ὅτι | qui; n'importe qui | |
| ἐργασία, ας, ἡ | travail; activité | |
| καταγγέλλω | proclamer, annoncer | |
| ἡμέρα, ας, ἡ | jour | |
| παραγγέλλω | commander | |
| Ἰησοῦς, οῦ, ὁ | Jésus, Josué | |
| ὥρα, ας, ἡ | heure | |
| πόλις, εως, ἡ | ville | |
| ὑπάρχω | être; posséder | |
| ὅς, ἥ, ὅ | qui, lequel, quelle | |
| οὐ, οὐκ, οὐχ | non | |
| κατά | contre, avec (avec G) ; selon, par, à (avec A) | |
| τέ | et, ainsi | |
| πληγή, ῆς, ἡ | plaie, coup | |
| δέσμιος, ου, ὁ | prisonnier, détenu | |
| μέγας, μεγάλη, μέγα | grand, important | |
| ἀνοίγω | ouvrir | |
| παραχρῆμα | immédiatement | |
| θύρα, ας, ἡ | porte | |
| γάρ | car, en effet | |
| φημί | dire; signifier | |
| ἵνα | afin de, pour que; que | |
| σῴζω | sauver | |
| πιστεύω | croire | |
| οἶκος, ου, ὁ | maison; famille | |
| λόγος, ου, ὁ | parola | |
| ἐκεῖνος, η, ο | quello, quello lì | |
| ἀποστέλλω | envoyer | |
| ῥαβδοῦχος, ου, ὁ | huissier, policier | |
| ἀπολύω | relâcher |
Biblical text
16:16Ἐγένετο δὲ πορευομένων ἡμῶν εἰς τὴν προσευχὴν, παιδίσκην τινὰ ἔχουσαν πνεῦμα Πύθωνα ὑπαντῆσαι ἡμῖν, ἥτις ἐργασίαν πολλὴν παρεῖχεν τοῖς κυρίοις αὐτῆς μαντευομένη.17αὕτη κατακολουθοῦσα τῷ Παύλῳ καὶ ἡμῖν ἔκραζεν λέγουσα Οὗτοι οἱ ἄνθρωποι δοῦλοι τοῦ Θεοῦ τοῦ Ὑψίστου εἰσίν, οἵτινες καταγγέλλουσιν ὑμῖν ὁδὸν σωτηρίας.18τοῦτο δὲ ἐποίει ἐπὶ πολλὰς ἡμέρας. διαπονηθεὶς δὲ Παῦλος καὶ ἐπιστρέψας τῷ πνεύματι εἶπεν Παραγγέλλω σοι ἐν ὀνόματι Ἰησοῦ Χριστοῦ ἐξελθεῖν ἀπ’ αὐτῆς· καὶ ἐξῆλθεν αὐτῇ τῇ ὥρᾳ.19Ἰδόντες δὲ οἱ κύριοι αὐτῆς ὅτι ἐξῆλθεν ἡ ἐλπὶς τῆς ἐργασίας αὐτῶν, ἐπιλαβόμενοι τὸν Παῦλον καὶ τὸν Σιλᾶν εἵλκυσαν εἰς τὴν ἀγορὰν ἐπὶ τοὺς ἄρχοντας,20καὶ προσαγαγόντες αὐτοὺς τοῖς στρατηγοῖς εἶπαν Οὗτοι οἱ ἄνθρωποι ἐκταράσσουσιν ἡμῶν τὴν πόλιν, Ἰουδαῖοι ὑπάρχοντες,21καὶ καταγγέλλουσιν ἔθη ἃ οὐκ ἔξεστιν ἡμῖν παραδέχεσθαι οὐδὲ ποιεῖν Ῥωμαίοις οὖσιν.22καὶ συνεπέστη ὁ ὄχλος κατ’ αὐτῶν, καὶ οἱ στρατηγοὶ περιρήξαντες αὐτῶν τὰ ἱμάτια ἐκέλευον ῥαβδίζειν,23πολλάς δὲ ἐπιθέντες αὐτοῖς πληγὰς ἔβαλον εἰς φυλακήν, παραγγείλαντες τῷ δεσμοφύλακι ἀσφαλῶς τηρεῖν αὐτούς·24ὃς παραγγελίαν τοιαύτην λαβὼν ἔβαλεν αὐτοὺς εἰς τὴν ἐσωτέραν φυλακὴν καὶ τοὺς πόδας ἠσφαλίσατο αὐτῶν εἰς τὸ ξύλον.25Κατὰ δὲ τὸ μεσονύκτιον Παῦλος καὶ Σιλᾶς προσευχόμενοι ὕμνουν τὸν Θεόν, ἐπηκροῶντο δὲ αὐτῶν οἱ δέσμιοι·26ἄφνω δὲ σεισμὸς ἐγένετο μέγας, ὥστε σαλευθῆναι τὰ θεμέλια τοῦ δεσμωτηρίου· ἠνεῴχθησαν δὲ παραχρῆμα αἱ θύραι πᾶσαι, καὶ πάντων τὰ δεσμὰ ἀνέθη.27ἔξυπνος δὲ γενόμενος ὁ δεσμοφύλαξ καὶ ἰδὼν ἀνεῳγμένας τὰς θύρας τῆς φυλακῆς, σπασάμενος τὴν μάχαιραν ἤμελλεν ἑαυτὸν ἀναιρεῖν, νομίζων ἐκπεφευγέναι τοὺς δεσμίους.28ἐφώνησεν δὲ Παῦλος μεγάλῃ φωνῇ λέγων Μηδὲν πράξῃς σεαυτῷ κακόν, ἅπαντες γάρ ἐσμεν ἐνθάδε.29αἰτήσας δὲ φῶτα εἰσεπήδησεν καὶ ἔντρομος γενόμενος προσέπεσεν τῷ Παύλῳ καὶ Σιλᾷ,30καὶ προαγαγὼν αὐτοὺς ἔξω ἔφη Κύριοι, τί με δεῖ ποιεῖν ἵνα σωθῶ;31οἱ δὲ εἶπαν Πίστευσον ἐπὶ τὸν Κύριον Ἰησοῦν, καὶ σωθήσῃ σὺ καὶ ὁ οἶκός σου.32καὶ ἐλάλησαν αὐτῷ τὸν λόγον τοῦ Θεοῦ σὺν πᾶσιν τοῖς ἐν τῇ οἰκίᾳ αὐτοῦ.33καὶ παραλαβὼν αὐτοὺς ἐν ἐκείνῃ τῇ ὥρᾳ τῆς νυκτὸς ἔλουσεν ἀπὸ τῶν πληγῶν, καὶ ἐβαπτίσθη αὐτὸς καὶ οἱ αὐτοῦ ἅπαντες παραχρῆμα,34ἀναγαγών τε αὐτοὺς εἰς τὸν οἶκον παρέθηκεν τράπεζαν, καὶ ἠγαλλιάσατο πανοικεὶ πεπιστευκὼς τῷ Θεῷ.35Ἡμέρας δὲ γενομένης ἀπέστειλαν οἱ στρατηγοὶ τοὺς ῥαβδούχους λέγοντες Ἀπόλυσον τοὺς ἀνθρώπους ἐκείνους.36ἀπήγγειλεν δὲ ὁ δεσμοφύλαξ τοὺς λόγους τούτους πρὸς τὸν Παῦλον, ὅτι Ἀπέσταλκαν οἱ στρατηγοὶ ἵνα ἀπολυθῆτε. νῦν οὖν ἐξελθόντες πορεύεσθε ἐν εἰρήνῃ.37ὁ δὲ Παῦλος ἔφη πρὸς αὐτούς Δείραντες ἡμᾶς δημοσίᾳ ἀκατακρίτους, ἀνθρώπους Ῥωμαίους ὑπάρχοντας, ἔβαλαν εἰς φυλακήν· καὶ νῦν λάθρᾳ ἡμᾶς ἐκβάλλουσιν; οὐ γάρ, ἀλλὰ ἐλθόντες αὐτοὶ ἡμᾶς ἐξαγαγέτωσαν.38ἀπήγγειλαν δὲ τοῖς στρατηγοῖς οἱ ῥαβδοῦχοι τὰ ῥήματα ταῦτα. ἐφοβήθησαν δὲ ἀκούσαντες ὅτι Ῥωμαῖοί εἰσιν,39καὶ ἐλθόντες παρεκάλεσαν αὐτούς, καὶ ἐξαγαγόντες ἠρώτων ἀπελθεῖν ἀπὸ τῆς πόλεως.40ἐξελθόντες δὲ ἀπὸ τῆς φυλακῆς εἰσῆλθον πρὸς τὴν Λυδίαν, καὶ ἰδόντες παρεκάλεσαν τοὺς ἀδελφοὺς καὶ ἐξῆλθαν.