Fruit of the Holy Spirit (Galatians 5:1-26)
English 
Čeština 
Deutsch 
Français 
Español 
Slovenčina Vocabulary
| Word | Meaning | |
|---|---|---|
| ὁ, ἡ, τό | le, la, les | |
| πνεῦμα, τος, τό | esprit; souffle | |
| δέ | cependant, mais | |
| σάρξ, σαρκός, ἡ | chair; corps | |
| εἰμί | je suis ; être | |
| καί | et, aussi | |
| οὐ, οὐκ, οὐχ | non | |
| μή | ne pas, non | |
| κατά | contre, avec (avec G) ; selon, par, à (avec A) | |
| οὗτος, αὕτη, τοῦτο | celui-ci, celle-ci, ceci | |
| ἀλλήλων | l'un l'autre | |
| ἐπιθυμία, ας, ἡ | désir, convoitise, envie | |
| γάρ | car, en effet | |
| ὅς, ἥ, ὅ | qui, lequel, quelle | |
| εἰ | si | |
 |
νόμος, ου, ὁ | loi |
| τοιοῦτος, αύτη, οῦτο(ν) | de telle sorte, tel | |
| λέγω | dire | |
| περιπατέω | se promener; marcher; vivre | |
| τελέω | terminer, finir | |
| ἐπιθυμέω | désirer, convoiter | |
| ἀντίκειμαι | être en opposition à | |
| ἵνα | afin de, pour que; que | |
| ἐάν | si, lorsque, jamais | |
| θέλω | vouloir | |
| ποιέω | faire, agir | |
| ἄγω | mener, apporter | |
| ὑπό | par, de (avec G); sous (avec A) | |
| φανερός, ά, όν | visible, clair, connu | |
| ἔργον, ου, τό | acte | |
| ὅστις, ἥτις, ὅτι | qui; n'importe qui | |
| πορνεία, ας, ἡ | fornication | |
| ἀκαθαρσία, ας, ἡ | impureté, saleté | |
| ἀσέλγεια, ας, ἡ | débauche, licence | |
| εἰδωλολατρία, ας, ἡ | idolâtrie | |
| φαρμακεία, ας, ἡ | sorcellerie, magie | |
| ἔχθρα, ας, ἡ | inimitié; haine | |
| ἔρις, ιδος, ἡ | querelle | |
| ζῆλος, ου, ὁ | zèle, jalousie | |
| θυμός, ου, ὁ | colère ; passion | |
| ἐριθεία, ας, ἡ | égoïsme; querelle; dispute | |
| διχοστασία, ας, ἡ | dissension, sédition | |
| αἵρεσις, εως, ἡ | secte; parti; faction | |
| φθόνος, ου, ὁ | envie; jalousie | |
| μέθη, ης, ἡ | ivresse | |
| κῶμος, ου, ὁ | festin excessif | |
| ὅμοιος, α, ον | semblable, pareil | |
| προλέγω | prédire, annoncer | |
| ὑμεῖς, ὑμῶν | vous | |
| καθώς | comme; ainsi que | |
| ὅτι | que, parce que | |
| πράσσω | faire, accomplir, se comporter ; collecter | |
| βασιλεία, ας, ἡ | royaume | |
| θεός, οῦ, ὁ | Dieu | |
| κληρονομέω | hériter | |
| κάρπος, οῦ, ὁ | fruit, récoltes; bénéfice | |
| ἀγάπη, ης, ἡ | amour | |
| χαρά, ᾶς, ἡ | joie | |
| εἰρήνη, ης, ἡ | paix, harmonie | |
| μακροθυμία, ας, ἡ | patience | |
| χρηστότης, ητος, ἡ | bonté, gentillesse | |
| ἀγαθωσύνη, ης, ἡ | générosité, bonté | |
| πίστις, εως, ἡ | foi | |
| πραΰτης, ητος, ἡ | douceur |
Biblical text
5:1Τῇ ἐλευθερίᾳ ἡμᾶς Χριστὸς ἠλευθέρωσεν· στήκετε οὖν καὶ μὴ πάλιν ζυγῷ δουλείας ἐνέχεσθε.2Ἴδε ἐγὼ Παῦλος λέγω ὑμῖν ὅτι ἐὰν περιτέμνησθε Χριστὸς ὑμᾶς οὐδὲν ὠφελήσει.3μαρτύρομαι δὲ πάλιν παντὶ ἀνθρώπῳ περιτεμνομένῳ ὅτι ὀφειλέτης ἐστὶν ὅλον τὸν νόμον ποιῆσαι.4κατηργήθητε ἀπὸ Χριστοῦ οἵτινες ἐν νόμῳ δικαιοῦσθε, τῆς χάριτος ἐξεπέσατε.5ἡμεῖς γὰρ Πνεύματι ἐκ πίστεως ἐλπίδα δικαιοσύνης ἀπεκδεχόμεθα.6ἐν γὰρ Χριστῷ Ἰησοῦ οὔτε περιτομή τι ἰσχύει οὔτε ἀκροβυστία, ἀλλὰ πίστις δι’ ἀγάπης ἐνεργουμένη.7Ἐτρέχετε καλῶς· τίς ὑμᾶς ἐνέκοψεν ἀληθείᾳ μὴ πείθεσθαι;8ἡ πεισμονὴ οὐκ ἐκ τοῦ καλοῦντος ὑμᾶς.9μικρὰ ζύμη ὅλον τὸ φύραμα ζυμοῖ.10ἐγὼ πέποιθα εἰς ὑμᾶς ἐν Κυρίῳ ὅτι οὐδὲν ἄλλο φρονήσετε· ὁ δὲ ταράσσων ὑμᾶς βαστάσει τὸ κρίμα, ὅστις ἐὰν ᾖ.11Ἐγὼ δέ, ἀδελφοί, εἰ περιτομὴν ἔτι κηρύσσω, τί ἔτι διώκομαι; ἄρα κατήργηται τὸ σκάνδαλον τοῦ σταυροῦ.12Ὄφελον καὶ ἀποκόψονται οἱ ἀναστατοῦντες ὑμᾶς.13Ὑμεῖς γὰρ ἐπ’ ἐλευθερίᾳ ἐκλήθητε, ἀδελφοί· μόνον μὴ τὴν ἐλευθερίαν εἰς ἀφορμὴν τῇ σαρκί, ἀλλὰ διὰ τῆς ἀγάπης δουλεύετε ἀλλήλοις.14ὁ γὰρ πᾶς νόμος ἐν ἑνὶ λόγῳ πεπλήρωται, ἐν τῷ Ἀγαπήσεις τὸν πλησίον σου ὡς σεαυτόν.15εἰ δὲ ἀλλήλους δάκνετε καὶ κατεσθίετε, βλέπετε μὴ ὑπ’ ἀλλήλων ἀναλωθῆτε.16Λέγω δέ, Πνεύματι περιπατεῖτε καὶ ἐπιθυμίαν σαρκὸς οὐ μὴ τελέσητε.17ἡ γὰρ σὰρξ ἐπιθυμεῖ κατὰ τοῦ Πνεύματος, τὸ δὲ Πνεῦμα κατὰ τῆς σαρκός, ταῦτα γὰρ ἀλλήλοις ἀντίκειται, ἵνα μὴ ἃ ἐὰν θέλητε ταῦτα ποιῆτε.18εἰ δὲ Πνεύματι ἄγεσθε, οὐκ ἐστὲ ὑπὸ νόμον.19φανερὰ δέ ἐστιν τὰ ἔργα τῆς σαρκός, ἅτινά ἐστιν πορνεία, ἀκαθαρσία, ἀσέλγεια,20εἰδωλολατρεία, φαρμακεία, ἔχθραι, ἔρις, ζῆλος, θυμοί, ἐριθεῖαι, διχοστασίαι, αἱρέσεις,21φθόνοι, μέθαι, κῶμοι, καὶ τὰ ὅμοια τούτοις, ἃ προλέγω ὑμῖν καθὼς προεῖπον ὅτι οἱ τὰ τοιαῦτα πράσσοντες βασιλείαν Θεοῦ οὐ κληρονομήσουσιν.22ὁ δὲ καρπὸς τοῦ Πνεύματός ἐστιν ἀγάπη, χαρά, εἰρήνη, μακροθυμία, χρηστότης, ἀγαθωσύνη, πίστις,23πραΰτης, ἐγκράτεια· κατὰ τῶν τοιούτων οὐκ ἔστιν νόμος.24οἱ δὲ τοῦ Χριστοῦ Ἰησοῦ τὴν σάρκα ἐσταύρωσαν σὺν τοῖς παθήμασιν καὶ ταῖς ἐπιθυμίαις.25Εἰ ζῶμεν Πνεύματι, Πνεύματι καὶ στοιχῶμεν.26μὴ γινώμεθα κενόδοξοι, ἀλλήλους προκαλούμενοι, ἀλλήλοις φθονοῦντες.