Woes on the Pharisees and the Lawyers (Luke 11:37-54)
English 
Čeština 
Deutsch 
Français 
Español 
Slovenčina Vocabulary
| Word | Meaning | |
|---|---|---|
| παρίημι | vynechat, opomenout, zanedbat; pominout, ochabnout, polevit | |
| ἀγαπάω | milovat, mít rád | |
| πρωτοκαθεδρία, ας, ἡ | přední, čestné, první místo sedadlo | |
| συναγωγή, ῆς, ἡ | shromáždění; synagóga | |
| ἀσπασμός, οῦ, ὁ | pozdravení, pozdrav | |
| ἀγορά, ᾶς, ἡ | tržiště, trh; náměstí | |
| ὡς | jak, jako | |
| ἄδηλος, ον | nezřetelný | |
| περιπατέω | chodit, procházet se; žít | |
| ἐπάνω | nad | |
| οἶδα | vědět, znát | |
| ἀποκρίνομαι | odpovídat | |
| διδάσκαλος, ου, ὁ | učitel | |
| ἡμεῖς, ἡμῶν | my | |
| ὑβρίζω | brutálně zacházet, týrat; urážet, zesměšňovat, tupit | |
| φορτίζω | zatížit, obtěžkat, obtížit; nechat nést, zatěžovat | |
| δυσβάστακτος, ον | neunesitelný; dající se těžko nosit | |
| εἰς | do, na, k; v (s A) | |
| δάκτυλος, ου, ὁ | prst | |
| προσψαύω | dotknout se | |
| ἀρά | tedy, tudíž; snad, asi, pak | |
| μάρτυς, μάρτυρος, ὁ | svědek | |
| συνευδοκέω | souhlasit, schválit | |
| ἔργον, ου, τό | čin | |
| μέν | ovšem, vskutku | |
| διά | skrze, přes (s G); pro, kvůli (s A) | |
| σοφία, ας, ἡ | moudrost | |
| ἀποστέλλω | poslat | |
| ἀπόστολος, ου, ὁ | apoštol, posel | |
| διώκω | pronásledovat | |
| ἵνα | aby; že, takže | |
| καταβολή, ῆς, ἡ | založení, počátek | |
| κόσμος, ου, ὁ | svět; ozdoba | |
| Ἅβελ, ὁ | Ábel | |
| ἕως | až do, do | |
| Ζαχαρίας, ου, ὁ | Zachariáš |
Biblical text
11:37Ἐν δὲ τῷ λαλῆσαι ἐρωτᾷ αὐτὸν Φαρισαῖος ὅπως ἀριστήσῃ παρ’ αὐτῷ· εἰσελθὼν δὲ ἀνέπεσεν.38ὁ δὲ Φαρισαῖος ἰδὼν ἐθαύμασεν ὅτι οὐ πρῶτον ἐβαπτίσθη πρὸ τοῦ ἀρίστου.39εἶπεν δὲ ὁ Κύριος πρὸς αὐτόν Νῦν ὑμεῖς οἱ Φαρισαῖοι τὸ ἔξωθεν τοῦ ποτηρίου καὶ τοῦ πίνακος καθαρίζετε, τὸ δὲ ἔσωθεν ὑμῶν γέμει ἁρπαγῆς καὶ πονηρίας.40ἄφρονες, οὐχ ὁ ποιήσας τὸ ἔξωθεν καὶ τὸ ἔσωθεν ἐποίησεν;41πλὴν τὰ ἐνόντα δότε ἐλεημοσύνην, καὶ ἰδοὺ πάντα καθαρὰ ὑμῖν ἐστιν.42ἀλλὰ οὐαὶ ὑμῖν τοῖς Φαρισαίοις, ὅτι ἀποδεκατοῦτε τὸ ἡδύοσμον καὶ τὸ πήγανον καὶ πᾶν λάχανον, καὶ παρέρχεσθε τὴν κρίσιν καὶ τὴν ἀγάπην τοῦ Θεοῦ· ταῦτα δὲ ἔδει ποιῆσαι κἀκεῖνα μὴ παρεῖναι.43οὐαὶ ὑμῖν τοῖς Φαρισαίοις, ὅτι ἀγαπᾶτε τὴν πρωτοκαθεδρίαν ἐν ταῖς συναγωγαῖς καὶ τοὺς ἀσπασμοὺς ἐν ταῖς ἀγοραῖς.44οὐαὶ ὑμῖν, ὅτι ἐστὲ ὡς τὰ μνημεῖα τὰ ἄδηλα, καὶ οἱ ἄνθρωποι οἱ περιπατοῦντες ἐπάνω οὐκ οἴδασιν.45Ἀποκριθεὶς δέ τις τῶν νομικῶν λέγει αὐτῷ Διδάσκαλε, ταῦτα λέγων καὶ ἡμᾶς ὑβρίζεις.46ὁ δὲ εἶπεν Καὶ ὑμῖν τοῖς νομικοῖς οὐαί, ὅτι φορτίζετε τοὺς ἀνθρώπους φορτία δυσβάστακτα, καὶ αὐτοὶ ἑνὶ τῶν δακτύλων ὑμῶν οὐ προσψαύετε τοῖς φορτίοις.47οὐαὶ ὑμῖν, ὅτι οἰκοδομεῖτε τὰ μνημεῖα τῶν προφητῶν, οἱ δὲ πατέρες ὑμῶν ἀπέκτειναν αὐτούς.48ἄρα μάρτυρές ἐστε καὶ συνευδοκεῖτε τοῖς ἔργοις τῶν πατέρων ὑμῶν, ὅτι αὐτοὶ μὲν ἀπέκτειναν αὐτοὺς, ὑμεῖς δὲ οἰκοδομεῖτε.49διὰ τοῦτο καὶ ἡ σοφία τοῦ Θεοῦ εἶπεν Ἀποστελῶ εἰς αὐτοὺς προφήτας καὶ ἀποστόλους, καὶ ἐξ αὐτῶν ἀποκτενοῦσιν καὶ διώξουσιν,50ἵνα ἐκζητηθῇ τὸ αἷμα πάντων τῶν προφητῶν τὸ ἐκκεχυμένον ἀπὸ καταβολῆς κόσμου ἀπὸ τῆς γενεᾶς ταύτης,51ἀπὸ αἵματος Ἄβελ ἕως αἵματος Ζαχαρίου τοῦ ἀπολομένου μεταξὺ τοῦ θυσιαστηρίου καὶ τοῦ οἴκου· ναί, λέγω ὑμῖν, ἐκζητηθήσεται ἀπὸ τῆς γενεᾶς ταύτης.52οὐαὶ ὑμῖν τοῖς νομικοῖς, ὅτι ἤρατε τὴν κλεῖδα τῆς γνώσεως· αὐτοὶ οὐκ εἰσήλθατε καὶ τοὺς εἰσερχομένους ἐκωλύσατε.53Κἀκεῖθεν ἐξελθόντος αὐτοῦ ἤρξαντο οἱ γραμματεῖς καὶ οἱ Φαρισαῖοι δεινῶς ἐνέχειν καὶ ἀποστοματίζειν αὐτὸν περὶ πλειόνων,54ἐνεδρεύοντες αὐτὸν θηρεῦσαί τι ἐκ τοῦ στόματος αὐτοῦ.