All Is Vanity (Ecclesiastes 1:1-11)
English 
Čeština 
Deutsch 
Français 
Español Vocabulary
| Word | Meaning | |
|---|---|---|
| בֵּן | hijo | |
| דָּוִד | David | |
| מֶלֶךְ | rey | |
| יְרוּשָׁלִַם | Jerusalén | |
| יִתְרוֹן | beneficio, ventaja | |
| אָדָם | hombre | |
| עָמָל | problema, trabajo; Amal | |
| עמל | trabajo, esfuerzo | |
| אֶרֶץ | la tierra | |
| עמד | pararse | |
| שׁאף | jadear, respirar con dificultad | |
| דָּרוֹם | sur; viento del sur | |
| צָפוֹן | norte; viento del norte | |
| עַל | sobre, encima; contra | |
| סָבִיב | alrededor, circundante | |
| מַלְאָךְ | mensajero, ángel | |
| יָגֵעַ | cansado, pesado | |
| יכל | ser capaz | |
| אִישׁ | hombre | |
| דבר | hablar | |
| שׁבע | jurar | |
| עַיִן | fuente; ojo; mirada | |
| מלא | llenar | |
| אֹזֶן | oreja | |
| שׁמע | oír, escuchar | |
| יִשְׂרָאֵל | Israel | |
| זֶה | este (m.) | |
| כְּבָר | ya, hace mucho tiempo | |
| אֲשֶׁר | que, el cual | |
| פָּנֶה | la cara | |
| רִאשׁוֹן | primero (masculino) | |
| גַּם | también, incluso, también | |
| עַם | pueblo; pariente; parentesco |
Biblical text
1:1דִּבְרֵי֙ קֹהֶ֣לֶת בֶּן־דָּוִ֔ד מֶ֖לֶךְ בִּירוּשָׁלִָֽם׃2הֲבֵ֤ל הֲבָלִים֙ אָמַ֣ר קֹהֶ֔לֶת הֲבֵ֥ל הֲבָלִ֖ים הַכֹּ֥ל הָֽבֶל׃3מַה־יִּתְר֖וֹן לָֽאָדָ֑ם בְּכָל־עֲמָל֔וֹ שֶֽׁיַּעֲמֹ֖ל תַּ֥חַת הַשָּֽׁמֶשׁ׃4דּ֤וֹר הֹלֵךְ֙ וְד֣וֹר בָּ֔א וְהָאָ֖רֶץ לְעוֹלָ֥ם עֹמָֽדֶת׃5וְזָרַ֥ח הַשֶּׁ֖מֶשׁ וּבָ֣א הַשָּׁ֑מֶשׁ וְאֶ֨ל־מְקוֹמ֔וֹ שׁוֹאֵ֛ף זוֹרֵ֥חַֽ ה֖וּא שָֽׁם׃6הוֹלֵךְ֙ אֶל־דָּר֔וֹם וְסוֹבֵ֖ב אֶל־צָפ֑וֹן סוֹבֵ֤ב ׀ סֹבֵב֙ הוֹלֵ֣ךְ הָר֔וּחַ וְעַל־סְבִיבֹתָ֖יו שָׁ֥ב הָרֽוּחַ׃7כָּל־הַנְּחָלִים֙ הֹלְכִ֣ים אֶל־הַיָּ֔ם וְהַיָּ֖ם אֵינֶ֣נּוּ מָלֵ֑א אֶל־מְק֗וֹם שֶׁ֤הַנְּחָלִים֙ הֹֽלְכִ֔ים שָׁ֛ם הֵ֥ם שָׁבִ֖ים לָלָֽכֶת׃8כָּל־הַדְּבָרִ֣ים יְגֵעִ֔ים לֹא־יוּכַ֥ל אִ֖ישׁ לְדַבֵּ֑ר לֹא־תִשְׂבַּ֥ע עַ֙יִן֙ לִרְא֔וֹת וְלֹא־תִמָּלֵ֥א אֹ֖זֶן מִשְּׁמֹֽעַ׃9מַה־שֶּֽׁהָיָה֙ ה֣וּא שֶׁיִּהְיֶ֔ה וּמַה־שֶׁנַּֽעֲשָׂ֔ה ה֖וּא שֶׁיֵּעָשֶׂ֑ה וְאֵ֥ין כָּל־חָדָ֖שׁ תַּ֥חַת הַשָּֽׁמֶשׁ׃10יֵ֥שׁ דָּבָ֛ר שֶׁיֹּאמַ֥ר רְאֵה־זֶ֖ה חָדָ֣שׁ ה֑וּא כְּבָר֙ הָיָ֣ה לְעֹֽלָמִ֔ים אֲשֶׁ֥ר הָיָ֖ה מִלְּפָנֵֽנוּ׃11אֵ֥ין זִכְר֖וֹן לָרִאשֹׁנִ֑ים וְגַ֨ם לָאַחֲרֹנִ֜ים שֶׁיִּהְי֗וּ לֹֽא־יִהְיֶ֤ה לָהֶם֙ זִכָּר֔וֹן עִ֥ם שֶׁיִּהְי֖וּ לָאַחֲרֹנָֽה׃ פ