Good Samaritan (Luke 10:25-37)
Vocabulary
Word | Meaning | |
---|---|---|
ὁ, ἡ, τό | ten, ta, to | |
καί | a, i | |
αὐτός, ή, ὁ | on, on sám | |
δέ | ale, avšak, však | |
σύ | ty | |
εἶπον | řekl jsem (aor. od λέγω) | |
ἐν | v, ve (s D) | |
τις, τι | někdo, něco, některý | |
ποιέω | dělat | |
ὅλος, η, ον | celý, úplný; všechen | |
πλησίον | blízko, nedaleko; bližní | |
Ἰησοῦς, οῦ, ὁ | Ježíš, Jozue | |
ἐγώ | já | |
εἰς | do, na, k; v (s A) | |
κατά | s, proti (s G); podle, na způsob; po, k, v (s A) | |
εἶδον | viděl jsem (aor. od ὁράω) | |
πρός | k, ke; u (s A) | |
ἀποκρίνομαι | odpovídat | |
οὗτος, αὕτη, τοῦτο | tento, tato, toto | |
καταβαίνω | jít dolů, sestoupit | |
λῃστής, οῦ, ὁ | lupič, bandita; zločinec | |
ὅς, ἥ, ὅ | který, kdo, co | |
ἀντιπαρέρχομαι | přejít kolem | |
ὁμοίως | stejně | |
γίνομαι | dít se, stát se | |
ἔρχομαι | přijít, jít | |
ἐπί | na, nad (s G, D, A); na základě (s D); k, proti (s A) | |
ἐπιμελέομαι | pečovat, starat se | |
ἰδού | hle! | |
νομικός, ή, όν | znalý zákona | |
ἀνίστημι | stavět nahoru | |
ἐκπειράζω | pokoušet, zkoušet | |
λέγω | říkat | |
διδάσκαλος, ου, ὁ | učitel | |
ζωή, ῆς, ἡ | život | |
αἰώνιος, ον | věčný |
Biblical text
10:25Καὶ ἰδοὺ νομικός τις ἀνέστη ἐκπειράζων αὐτὸν λέγων Διδάσκαλε, τί ποιήσας ζωὴν αἰώνιον κληρονομήσω;26ὁ δὲ εἶπεν πρὸς αὐτόν Ἐν τῷ νόμῳ τί γέγραπται; πῶς ἀναγινώσκεις;27ὁ δὲ ἀποκριθεὶς εἶπεν Ἀγαπήσεις Κύριον τὸν Θεόν σου ἐξ ὅλης τῆς καρδίας σου καὶ ἐν ὅλῃ τῇ ψυχῇ σου καὶ ἐν ὅλῃ τῇ ἰσχύϊ σου καὶ ἐν ὅλῃ τῇ διανοίᾳ σου, καὶ τὸν πλησίον σου ὡς σεαυτόν.28εἶπεν δὲ αὐτῷ Ὀρθῶς ἀπεκρίθης· τοῦτο ποίει καὶ ζήσῃ.29ὁ δὲ θέλων δικαιῶσαι ἑαυτὸν εἶπεν πρὸς τὸν Ἰησοῦν Καὶ τίς ἐστίν μου πλησίον;30ὑπολαβὼν ὁ Ἰησοῦς εἶπεν Ἄνθρωπός τις κατέβαινεν ἀπὸ Ἱερουσαλὴμ εἰς Ἱερειχώ, καὶ λῃσταῖς περιέπεσεν, οἳ καὶ ἐκδύσαντες αὐτὸν καὶ πληγὰς ἐπιθέντες ἀπῆλθον ἀφέντες ἡμιθανῆ.31κατὰ συγκυρίαν δὲ ἱερεύς τις κατέβαινεν ἐν τῇ ὁδῷ ἐκείνῃ, καὶ ἰδὼν αὐτὸν ἀντιπαρῆλθεν.32ὁμοίως δὲ καὶ Λευείτης κατὰ τὸν τόπον ἐλθὼν καὶ ἰδὼν ἀντιπαρῆλθεν.33Σαμαρείτης δέ τις ὁδεύων ἦλθεν κατ’ αὐτὸν καὶ ἰδὼν ἐσπλαγχνίσθη,34καὶ προσελθὼν κατέδησεν τὰ τραύματα αὐτοῦ ἐπιχέων ἔλαιον καὶ οἶνον, ἐπιβιβάσας δὲ αὐτὸν ἐπὶ τὸ ἴδιον κτῆνος ἤγαγεν αὐτὸν εἰς πανδοχεῖον καὶ ἐπεμελήθη αὐτοῦ.35καὶ ἐπὶ τὴν αὔριον ἐκβαλὼν δύο δηνάρια ἔδωκεν τῷ πανδοχεῖ καὶ εἶπεν Ἐπιμελήθητι αὐτοῦ, καὶ ὅ τι ἂν προσδαπανήσῃς ἐγὼ ἐν τῷ ἐπανέρχεσθαί με ἀποδώσω σοι.36τίς τούτων τῶν τριῶν πλησίον δοκεῖ σοι γεγονέναι τοῦ ἐμπεσόντος εἰς τοὺς λῃστάς;37ὁ δὲ εἶπεν Ὁ ποιήσας τὸ ἔλεος μετ’ αὐτοῦ. εἶπεν δὲ αὐτῷ ὁ Ἰησοῦς Πορεύου καὶ σὺ ποίει ὁμοίως.